Tanlovlar

Жорий йил мамлакатимизда Ёшларни қўллаб-қувватлаш ва аҳоли саломатлигини мустаҳкамлаш йили, деб эълон қилингани ҳам ёшларга эътиборнинг ёрқин ифодасидир. Президентимизнинг ёшларга оид сиёсатидаги энг муҳим йўналиш уларга замонавий билим беришдир. Ўзбекистон Республикаси Президенти Шавкат Мирзиёев БМТ Бош Ассамблеясининг 72-сессиясидаги нутқида “Сайёрамизнинг эртанги куни, фаровонлиги фарзандларимиз қандай инсон бўлиб камолга етиши билан боғлиқ. Бизнинг асосий вазифамиз – ёшларнинг ўз салоҳиятини намоён қилиши учун зарур шароитлар яратишдан иборат” деб таъкидлаган эдилар. Дарҳақиқат, ёшларимиз ўзлари учун, ўз тенгдошлари учун ва мамлакат учун ўзгаришларни амалга ошириш учун салоҳият ва имкониятларга эга. Ёшларнинг ўсиб бораётган сиёсий тафаккурини, ижтимоий фаоллиги ва илмий савиясини намоён этиш, халқаро даражада ўз тенгдошлари ўртасида соғлом рақобат муҳитини шакллантириш борасида ёшларнинг лойиҳасидан тортиб, амалга оширишгача, ўз ташаббусларини кенгайтириш орқали, шунингдек, ёшларнинг муаммоларини тизимли ҳал этиш орқали амалиётга жалб этишини рағбатлантириш мақсадида, Ўзбекистонда илк маротаба МДҲ талаба-ёшлари ўртасида ҳамкор ташкилотлар иштирокида “Энг яхши мақола -2021” (Лучшая научная статья 2021) халқаро илмий-амалий мақолалар танловини Фарғона вилояти, Фарғона шаҳрида ўтказиш белгиланган. “Энг яхши мақола -2021” (Лучшая научная статья 2021) халқаро илмий-амалий мақолалар танлови ёшлар орасида илмий-ижодий иммунитетни ривож топиши, халқаро ва миллий андозадаги таълим тизимини ўрганиш, тарғиб қилиш янада кенгроқ тан олинишини қўллаб-қувватлашга кўмаклашиш ҳамда талаба-ёшларни халқаро майдонда ўзаро таълим бўйича тажриба ва кўникма алмашишларига кўмак бўлади. “Энг яхши мақола -2021” (Лучшая научная статья 2021) халқаро илмий-амалий мақолалар танлови янги концептуал жараёнга бой, тармоқ муаммоларга илмий-инновацион ҳамда замонавий ечимларни қамраб олади.